心思敏銳 - 每週策略 (22.03.2010)

上週恆生指數收報21370點，上升40點，現時平均每天成交量只有500-600億元，全個星期計仍上升160多點，成交量算是淡靜。

上週筆者於心”思敏”銳文章中，曾推介ＴＣＬ通訊 (2618)，如有跟筆者買入的朋友們已有利潤可圖，一星期計有20% 升幅，可先行獲利沽出，伺機買回。

相信有留意大市的朋友們都可以透過一些報章或財經雜誌而睇到，有關 (保險下鄉)、(家電下鄉)、(建材下鄉)、以及( 汽車下鄉) 等，擴大內需政策消息，很明顯地版塊已出，投資者很自然地就可以搵當中受惠股份及龍頭股跟進買入。

而近期升幅較明顯的有運動波鞋股，例如: 安踏體育(2020)、匹克體育 (1968) 、特步國際 (1368)、３６１度 (1361) 、以及龍頭大哥李寧 (2331) 等都不例外，隻隻都好似箸左對開左摩打既波鞋，好似「欄王」劉翔一樣，跨過一關又一關的障礙，似乎隻隻都想創新高。

既然個別版塊炒得不亦樂乎，我諗各位讀者朋友都心飬飬，想在股海撈下一些心水股，不過首先都要知道自己夠唔夠耐性持股，因為每隻股票波幅有快有慢，要人夾股，股夾人才能成事，早前眼見一些客戶朋友們持有些慢行股票，雖然仍有利潤可圖，但食少少已經走了，一大段升幅眼見住繼續上升，又戰勝不到心魔在自己沽出價之上買回，眼白白就咁無左。

筆者苦口婆心地再講多句，希望各位投資者能記得買入前定下自己是短炒定長揸，買入時目標及原因等。

每逢大市下跌趁機買入

上週五美國道指收報10741點，下跌37點，以預託證券(ADR)計，下跌290 點，星期一港股開市可能會有些壓力回試21000 邊。不過唔怕，趁機會當大市下跌時，就趁機買入心愛股份吧 !

今個星期分別有3間內銀股將公佈業績，星期二、四及五，中國銀行 (03988)、工商銀行 (01398)及建設銀行 (00939)

作者為證監會持牌人士，本人或其客戶有可能會購入或賣出該相關資產。