心思敏銳 - 每週策略 (08.03.2010)

上週五恆生指數收報20787 上升212 點, 兩會現正進行中仍然是焦點, 至於籍著工作報告而純炒作既概念股, 就自行決定睇位食糊短炒抑或作為長揸。匯控業績不如市場理想拖抵大市, 幸而渣打集團 (02888) 業績好於市場預期, 可謂令大市支撐起升市作用, 就算不是業績關係都要睇下市場點樣去演繹中國移動 (00941) 入股400億元於浦發銀行, 用了四字"不務正業"來形容先將大市壓下去, 雖然400億元對比起中國移動來說數目並不多, 單是二天跌幅已即時蒸發了近700億元. 市場改變了你就得時而勢逆, 其實搞手機銀行都係一個大賣點, 已現時人均手機用量來計算, 亦係未來大勢所趨。

上星期筆者謂會分享一隻新股, 這隻新股就是瑞年國際 (02010), 上星期五已急不及待地爆升, 先簡單講講集團主要業務, 集團是保健產品供應商供應氨基酸營養保健品。現時為(獨家生產的氨基酸口服液) 佔中國市場份額約21.6%。上市只有大概二星期, 招股價於下限 $ 3 定價, 上星期五收報 $ 4.05 上升 9.16 %, 雖然計其毛利率07-09年不及06年增長強勁, 集團亦積極透過打入中國二三線城巿，包括農業省份的主要城巿、富裕地區的次級城巿。

現時集團除了生產自家瑞年牌營養保健品及普通健康食品、保健飲品及藥品外, 亦有專為兒童及青少年而設的(靂兒)牌氨基酸片, 專為老年人而設的骨質寶沖劑, 產品可謂由老到嫩, 閒時又可以飲返支順牌涼茶清下熱氣, 產品超過十多款任君選擇。

而不得不提的就是長江生命科技及長江集團, 李嘉誠先生都有持股, 加埋都有成二十幾個巴仙, 作為短炒定長揸 ? 自己心中有數。

不過近期見醫藥版塊開始有些異動, 大家可以留意下