瑞年國際(02010)

<匯港通訊> 雖然連番解話甚至聲言狀告媒體，但霸王(01338)股價受旗下產品含有致癌
物二噁烷一事困擾未除，單日再急插7.92%。半新股瑞年國際(02010)不幸受牽連，兩日共跌
6.87%，本來銷售營養保健品的瑞年與賣洗髮水的霸王可謂風馬牛不相及，不過里昂證券報
告日前將兩間公司劃上等號，結果該行分析員為自圓其說，不惜現身說法。

撰寫報告的消費股分析員阿 Dee 日前話，霸王與瑞年最為相關，既同於近期上市，又配合
內地消費主題，營運非常類似，只係估值上瑞年抵買得多，自製「霸王效應」，結果瑞年因
霸王高溢價不再急插，為作交代，佢再發表報告，話「事件或無原因下波及瑞年」，但強調
瑞年的產品銷售逾五年一直相安無事，甚至話自己飲用氨基酸產品至今一切安好(This
analyst has also been taking the amino-acid supplements without any problems
thus far [touch wood!])，企圖以用家角度加強說服力。

有分析員日前因霸王出事，馬上致電老婆停用同品牌洗頭水，佢得知里昂大作後，笑言：「
以佢既邏輯即係揸豐田既車主架車一日未炒，就即係豐田車無安全問題，唔駛回收！
」但消費品的分析員往往要躬體力行，今次忍唔住講用家感受，可能想俾大家知道佢幾勤力
，又當講吓笑，輕鬆一下。好事之徒話，霸王不妨請分析員免費試用旗下洗頭水，或
可釋市場疑慮！

仲要好快就suspended 停牌添 ! 幸好我上星期叫客戶朋友沽埋 ! 好彩, 好彩