上週筆者忙於幾件事，包括去了一間上市公司的實地考察，地點位於順德以及一些上市公司的業績發佈會，還有早前接受好友金利豐證券研究部執行董事黃德几先生的邀請，隔週跟都市新聞集團旗下Metro TV《投資得機》直播節目出任嘉賓，事實上由今年1月份已開始，節目內容相當豐富，當中大家一同分析財經市場上的事情之外，更會分享日常生活的內容，譬如、飲食旅遊、吃渴玩樂等話題。還有近日獲東方日報的邀請接受訪問，主題談及目前樓價高企的問題以及上車經驗等，今天藉此跟大家分享一下本人於東方日報訪問的內容。
吼半山盤 等動盪入市
黃：獨立股評人 黃思敏（Jess）
彩兒：依家後生仔女嘅格言係「先買樓後結婚，不買樓不結婚」，你會唔會都有股置業欲？
黃：結婚唔一定要買樓，最緊要開心同睇吓自己有無需要。我2004年試過搬出去住，搬咗幾次都無離開過中環區，事關每個單位都可以行路返工，2008年曾經有諗過買入當時租住、位於堅道實用面積約400呎單位，業主開價200萬，但轉個頭已被人搶購，之後又睇過跑馬地幾個盤，但考慮期間樓價已升到砰砰聲，所以一路都無入市。
目前嘅心水係港島東半山靜中帶旺嘅樓盤，不過現時性價比太低！依家我同家人住喺灣仔，都唔諗住結婚，所以無需要趕上車，但會一路滾大手上嘅首期，等市場動盪時先入市。
宅女分段吸A股ETF
Kitty：女仔扮靚都使唔少錢，你又會點投資自己？
黃：好彩我係一名宅女，有確實需要先會出街買嘢，女仔買衫實有「連鎖效應」，買衫可能又要襯個手袋，所以每次畀錢前都要諗過度過先，最好買長興款。每個女仔都想做「財女」，重點係要將投資變成習慣，簡單就是美，唔使玩咁多花款。首先要設長、中、短線，千祈唔好抱住「一日唔沽唔算輸」嘅心態，一定要落實執行止蝕，個人會專揀龍頭股同穩健嘅板塊。
內地A股股市自舊年底彈起，估值比其他股市為平，加上市場預期人行今年仲會減息，所以我會每逢股市調整，分段低吸A股ETF，好似南方A50（02822）同華夏滬深三百（03188），而內銀同騰訊（00700）都係我愛股之一，目前港股同A股基金分別各自佔資產組合20%。
黃：獨立股評人 黃思敏（Jess）
彩兒：依家後生仔女嘅格言係「先買樓後結婚，不買樓不結婚」，你會唔會都有股置業欲？
黃：結婚唔一定要買樓，最緊要開心同睇吓自己有無需要。我2004年試過搬出去住，搬咗幾次都無離開過中環區，事關每個單位都可以行路返工，2008年曾經有諗過買入當時租住、位於堅道實用面積約400呎單位，業主開價200萬，但轉個頭已被人搶購，之後又睇過跑馬地幾個盤，但考慮期間樓價已升到砰砰聲，所以一路都無入市。
目前嘅心水係港島東半山靜中帶旺嘅樓盤，不過現時性價比太低！依家我同家人住喺灣仔，都唔諗住結婚，所以無需要趕上車，但會一路滾大手上嘅首期，等市場動盪時先入市。
宅女分段吸A股ETF
Kitty：女仔扮靚都使唔少錢，你又會點投資自己？
黃：好彩我係一名宅女，有確實需要先會出街買嘢，女仔買衫實有「連鎖效應」，買衫可能又要襯個手袋，所以每次畀錢前都要諗過度過先，最好買長興款。每個女仔都想做「財女」，重點係要將投資變成習慣，簡單就是美，唔使玩咁多花款。首先要設長、中、短線，千祈唔好抱住「一日唔沽唔算輸」嘅心態，一定要落實執行止蝕，個人會專揀龍頭股同穩健嘅板塊。
內地A股股市自舊年底彈起，估值比其他股市為平，加上市場預期人行今年仲會減息，所以我會每逢股市調整，分段低吸A股ETF，好似南方A50（02822）同華夏滬深三百（03188），而內銀同騰訊（00700）都係我愛股之一，目前港股同A股基金分別各自佔資產組合20%。
(本人並沒有持有上述之股份)
Below is my blog:
http://jesswonginvest.blogspot.hk/
Below is my blog:
http://jesswonginvest.blogspot.hk/
.JPG)
">
沒有留言:
發佈留言